Яна бир мамлакатда коронавирус аниқланди

Олам

−

14 Май 2020 visibility25406 timer1 дақиқа

Узоқ вақт давомида янги турдаги коронавирус билан касалланиш ҳолати учрамаган саноқли давлатлар сафида эътироф этиб келинган Лесото, афсуски ушбу рўйхатни тарк этди.

Африка жанубидаги Лесото давлатининг Соғлиқни сақлаш вазирлиги мамлакатда янги турдаги коронавирусга чалиниш билан боғлиқ илк ҳолат аниқланганини маълум қилди.

9 май куни Жанубий Африка Республикаси ва Саудия Арабистонидан келган 81 киши ҳукумат томонидан коронавирусга тестдан ўтказилган. 12 май куни олинган тест натижалари сайёҳлардан бирида мусбат натижа берган.

Идорадан маълум қилишларича, бемор Яқин Шарқдан келган.Унда касалликнинг ҳеч қандай аломатлари кузатилмаган.

Лесото Африка иттифоқи таркибига кирувчи 55 давлат орасида ҳеч бўлмаганда 1 нафар COVID-19 билан зарарланган фуқароси аниқланган 54-мамлакатдир.

Мақола муаллифи