WhatsApp бир қурилмада бир нечта аккаунтдан фойдаланиш имконини беради
Технология
−
16 Июнь 2023 5259
WhatsApp тез орада бир хил қурилмада бир нечта аккаунтлардан фойдаланиш имконини берувчи функциясини қўшади. Бу ҳақда ушбу мессенжерга оид янгиликлар ва ишлаб чиқувчилар томонидан синовдан ўтказилаётган функциялар тавсифига ихтисослашган WABetaInfo портали хабар берди.
Маълумотларга кўра, WhatsApp ҳозирда бир қурилмадан бир нечта WhatsApp аккаунтларига кириш имконини берувчи функцияни ишлаб чиқмоқда.
Бу функция WABetaInfo мутахассислари томонидан Android платформаси (2.23.13.5-версияси) учун WhatsApp Business бета-янгиланишида аниқланган.
Портал таъкидлаганидек, иловада фойдаланувчиларга тизимга кириш учун аккаунт танлаш имконини берувчи меню пайдо бўлади. Кўп аккаунтли функция кейинги янгиланишда илованинг бета-тестчилари учун мавжуд бўлади.
Эслатиб ўтамиз, аввалроқ WhatsApp’да юборилган хабарларни таҳрирлаш имконияти пайдо бўлиши ҳақида хабар бергандик.
