“Владимир, тўхта”. Трамп Путиндан урушни тугатишни сўради

Америка Қўшма Штатлари Президенти Дональд Трамп Россия етакчиси Владимир Путиндан зудлик билан урушни тўхташни сўради. Бу ҳақда Оқ уй раҳбари ўзининг Truth Social ижтимоий тармоғида ёзиб қолдирди.

Трампнинг сўзларига кўра, у уруш овозидан мамнун эмас.

“Мен Россиянинг Киевга қилган зарбаларидан мамнун эмасман, бу керак эмас эди ва жуда нотўғри вақт танланган. Владимир, тўхта! Кел, тинчлик шартномасини тузайлик!” дея ёзган АҚШ раҳбари.

Шунингдек, у ҳар ҳафта жанговар ҳаракатлар давомида 5000 га яқин аскар ҳалок бўлаётганини таъкидлаган. 

Эслатиб ўтамиз, бугун, 24 апрелга ўтар кечаси Россия Украина пойтахти Киев шаҳрига ҳужум уюштирганди. Оқибатда 9 киши ҳалок бўлган, 60 дан ортиқ киши турли даражадаги тан жароҳатлари олган. Ярадорлар орасида болалар ҳам бор. Украина Фавқулодда вазиятлар хизмати маълумотига кўра, жабрланганлар сони ошишда давом этмоқда – ҳозирча 63 киши жароҳат олган, 42 нафари шифохонага ётқизилган, улар орасида 6 нафар бола бор. Шу билан бирга, қулаб тушган бинолар остида қолган одамлар қидирилмоқда.