Винисиус Роналдунинг “Реал”даги рақамини олди
Спорт
−
12 Июнь 2023 5464
Бразилиялик футболчи Винисиус Жуниор келаси мавсумда “Реал Мадрид” сафида 7-рақам остида майдонга тушади. Бу ҳақда “Defensa Central” нашри хабар берди.
Манбага кўра, “қироллик клуби” шу ёзда Эден Азар билан хайрлашиши ортидан 2019 йилдан бери биринчи марта бўшаб қолган 7-рақам эндиликда 25 ва 20-рақамлар остида ўйнаган Винисиус номига расмийлаштирилади.
Родриго эса Марко Асенсио кетганидан кейин бўшаб қолган 11-рақамга эга чиқди.
Маълумот учун, 2018 йилда Криштиану Роналду жамоадан кетганидан сўнг, унинг рақами Марианога насиб қилганди. Бироқ бир йилдан сўнг раҳбарият уни Азарга олиб берди. Бельгиялик футболчи деярли 4 йил 7-рақам остида майдонга тушди.
Шунингдек, Винисиуснинг 20-рақами Фран Гарсияга топширилди. Ҳозирда жамоада 9, 14, 21 ва 24-рақамлар бўш қолмоқда.
Умурзоқов Муҳсинжон
Live
БарчасиБухорода Ғиждувон деҳқон бозори ёнмоқда.
14 Декабрь
