Ўзгидромет огоҳлантирди: 6 та вилоятда қор кўчиш хавфи бор

“Ўзгидромет” Қамчиқ ва Тахтақорача (Китоб) довонларида об-ҳавонинг ёмонлашиши ҳақида фавқулодда маълумотларни эълон қилди. 

“Шу йилнинг 2-5 февраль кунлари А-373 “Тошкент – Ўш” автойўлининг “Қамчиқ” довони ҳудудида ва М-39 “Тошкент-Шаҳрисабз-Термиз” автомобил йўлининг “Тахтақорача” (Китоб) довонидан ўтган қисмида қор ёғиши, вақти-вақти билан кучли ёғингарчилик, туман кузатилиши, кўрувчанлик 50 м.гача пасайиши, шамол тезлиги 15-20 м/с гача кучайиши, автойўлда яхмалак ва қор уюмлари юзага келиши мумкин”, дейилади хабарда.

Шунингдек, 2-6 февраль кунлари кутилаётган ёғингарчилик ва ҳаво ҳароратининг сезиларли ўзгариши сабабли республиканинг тоғли ҳудудларида қор кўчиши мумкин.

Улар:

Қашқадарё вилоятининг Китоб, Шахрисабз, Қамаши ва Деҳқонобод туманларида;

Сурхондарё вилоятининг Қумқўрғон, Сариосиё, Узун ва Байсун туманларида;

Жиззах вилоятининг Зомин, Бахмал туманларида;

Тошкент вилоятининг Паркент, Оҳангарон, Бўстонлиқ туманларида ва Чотқол тоғ тизимининг “Чимён” тоғларида

Наманган вилоятининг Поп туманида;

Фарғона вилоятининг Сўх, Фарғона туманларида қор кўчиш хавфи эълон қилинди.