Ўзгидромет 6 вилоят аҳолисига тезкор огоҳлантириш билан чиқди

Гидрометеорология хизмати агентлиги об-ҳавонинг кескин совиб кетиши ортидан аҳолига тезкор огоҳлантириш билан чиқди. 

Қайд этилишича, жорий йилнинг 15-20 март кунлари кутилаётган ёғингарчилик ҳамда ҳаво ҳароратининг ўзгариши сабабли республиканинг тоғли ҳудудларида қор кўчиш хавфи эълон қилинади.

Хусусан: 

•    Қашқадарё вилояти: Деҳқонобод, Китоб, Қамаши, Шаҳрисабз туманларида;

•    Сурхондарё вилояти: Бойсун, Қумқўрғон, Сариосиё, Узун туманларида;

•    Самарқанд вилояти: Нуробод, Қўшработ, Самарқанд, Ургут туманларида;

•    Жиззах вилояти: Бахмал, Зомин туманларида;

•    Тошкент вилояти: Бўстонлиқ, Паркент, Оҳангарон туманлари (Чотқол тизмаси тоғлари);

•    Наманган вилояти: Поп туманида.

“Тоғли ҳудудларда истиқомат қилувчи фуқаролар, дам олувчилар ҳамда тоғли ҳудудларда ҳаракатланувчи ҳайдовчилардан, эҳтиёткорлик чораларини кўришларини сўраймиз”, дейилади хабарда.