Ўзбекистоннинг олтин-валюта захираси $35 млрддан ошди
Жамият
−
19 Январь 2022 4014
Ўзбекистон олтин-валюта захираси 1 январь ҳолатига 35 млрд 139 млн долларни ташкил этмоқда. Ўтган бир ойда мамлакатнинг халқаро захиралари 389,8 миллион долларга ўсди. Бу ҳақда Марказий банк маълум қилди.
Ўзбекистоннинг хорижий валютадаги захира активлари (конвертация қилинувчи хорижий валюталарда) миқдори бир ой давомида 117,9 миллион долларга камайиб, 13 млрд 77,6 миллион долларни ташкил қилмоқда.
Бир ойда Ўзбекистоннинг олтин захираси ҳажми 508,6 млн долларга кўпайиб, 20,949 млрд долларга етган. Мамлакатнинг соф олтин захираси октябрдаги 11,4 миллион трой унциядан 11,6 миллион трой унциягача кўпайган.
Марказий банк маълумотига кўра, Ўзбекистоннинг соф халқаро захиралари 2021 йил бошига нисбатан 307,4 млн долларга кўпайган.
Live
БарчасиБухорода Ғиждувон деҳқон бозори ёнмоқда.
14 Декабрь
