Ўзбекистонлик шифокор самолётда аёлни қутқариб қолди (видео)

Ўзбекистонлик шифокор Тошкентдан Сеулга учаётган самолёт бортида кучли шок ҳолатига тушиб қолган аёлни қутқариб қолди. Бу ҳақда “TJB News” хабар берди.

Маълум қилинишича, Ўзбекистондан Кореяга учаётган самолёт бортида бир аёл йўловчи тўсатдан кучли шок ҳолатига тушиб қолган.

Видеони тақдим этган йўловчининг сўзларига кўра, ўша пайтда аёлнинг диастолик қон босими 20 гача тушиб кетган. Самолёт капитани бортда шифокор қидирган ва ҳатто фавқулодда қўнишни ҳам кўриб чиққан.

Айнан шу пайтда Чунгбук университетида амалиёт ўташ учун Кореяга кетаётган ўзбекистонлик Ҳасан исмли шифокор яқин ўриндиқда ўтирган бўлган. Оториноларинголог бўлган шифокор Ҳасан дарҳол ўрнидан туриб, аёлга кислород бериб, укол қилиб, биринчи ёрдам кўрсатишни бошлаган. Шунингдек, атрофдаги йўловчилар ҳам сув, конфет ва шоколад бериб, ёрдамлашган.

Қайд этилишича, кўрсатилган ёрдам сабабли фавқулодда қўнишга ҳожат қолмаган ва самолёт режа бўйича Кореяга етиб келган.

“Азиз дўстлар, мен ҳар қандай вазиятда, ҳар доим сизларга ёрдам беришга тайёрман. Бу менинг сизларнинг олдингиздаги бурчимдир”, деган ўзбекистонлик шифокор унга миннатдорлик билдирганларга.