Ўзбекистонлик параатлетлар яна олтин ва бронзага эга чиқди

Францияда бўлиб ўтаётган Париж-2024 ёзги Паралимпиада ўйинларининг енгил атлетика баҳсларида эркаклар ўртасида Ф37 классида ядро улоқтириш дастурида финал беллашувлари якунланди.

Унда ушбу йўналишда олтин ва бронза медалларни икки нафар ўзбекистонлик спортчи – Қудратуллахон Маъруфхўжаев ҳамда Толиббой Йўлдошев қўлга киритди.

Қудратуллахон Маъруфхўжаев 16.37 метр натижа билан чемпионликни тантана қилган бўлса, 15.24 метр натижа қайд этган Толиббой Йўлдошев бронза медалга сазовор бўлди.

Шу тариқа Ўзбекистон делегацияси жамғарган медаллар сони 6 тага етди: 2 та олтин, 2 та кумуш, 2 та бронза.

Бугунги дастур доирасида Ўзбекистон терма жамоасининг 14 нафар спортчилари мусобақа медаллари учун баҳсларга киришади. 

Ўзбекистонлик спортчиларнинг чиқишлари:

Пара академик эшкак эшиш
12:30. Муҳайё Абдусатторова, PR1

Пара енгил атлетика
13:04. Элбек Султонов, F12, ядро улоқтириш
13:09. Моҳигул Ҳамдамова, F57, диск улоқтириш

Пара велоспорт 
13:19. Ғолиббек Мирзаёров, C1-3, 3000 м. вақт пойгаси

Пара сузиш 
13:23. Фирдавсбек Мусабеков, С13, 400 м. эркин
Дмитрий Хорлин, С13, 400 м. эркин
13:30. Музаффар Турсунхўжаев, С13, 400 м. эркин
13:37. Шохсанамхон Тошпўлатова, С13, 400 м. эркин

Пара велоспорт 
14:58. Азимбек Абдуллаев, C5, 4000 м. яккалик пурсуит

Пара ўқ отиш 
15:00. Шаҳноза Мамажонова, P2, 10 м. тўппончадан отиш

Пара енгил атлетика 
15:26. Урганчбек Эгамназаров, Т11, 400 м. югуриш

Пара таэквондо
15:43. Гулжаной Наимова, К44, +65 кг
17:11. Асадбек Тоштемиров, К44, -80 кг

Пара енгил атлетика 
22:08. Ёрқинбек Одилов, F57, найза улоқтириш