Ўзбекистондаги ЙТҲларнинг асосий сабаблари маълум бўлди

2021 йил йўл-транспорт ҳодисаларининг кўпи белгиланган тезликка риоя қилмаслик ва ҳаракатни ташкил этишдаги муаммолар сабаб юз берган. Бу ҳақда Ички ишлар вазирлиги хабар бермоқда. 

Статистикага кўра, ЙТҲлар қуйидаги сабаблар билан юз берган:

• Пиёдалар ўтиш жойидан ўтаётган пиёдани уриб юбориш  – 1 150 та (11,5%);
• Ҳаракатни ташкил этишдаги муаммолар – 2 009 та (20,1%);
• Пиёдалар ўтиш жойи белгиланмаган жойдан кесиб ўтиш – 1 380 та (13,8%);
• Болаларни қаровсиз қолдириш – 501 та (5,0%);
• Велойўлак – 610 та (6,1%);
• Светофор ёки йўл белгисига риоя қилмаслик – 402 та (4,0%);
• Ҳайдовчининг тажрибасизлиги – 912 та (9,1%);
• Қарама-қарши йўналишга чиқиш – 792 та (7,9%);
• Ҳаракат давомида телефондан фойдаланиш – 100 та (1,0%);
• Белгиланган тезликка риоя қилмаслик – 2 010 та (20,1%);
• Автомобилни маст холда бошқариш – 135 та (1,4%).

Маълум қилинишича, ЙТҲ содир этган шахсларнинг 9 733 нафари эркак, 268 нафари аёлларни ташкил этган.

ЙТҲ содир этган ҳайдовчиларнинг ёши бўйича таҳлили  қуйидагича:

• 25 ёшгача  – 2 008 та (20,0%);
• 30 ёшгача  – 2 057 та (20,6%);
• 35 ёшгача  – 1 823 та (18,2%);
• 40 ёшгача  – 1359 та (13,6%).

Аввалроқ, 2021 йил Ўзбекистонда жами 10 001 та йўл-транспорт ҳодисаси содир этилгани ва бунинг натижасида 2 426 нафар одам ҳалок бўлгани ҳақида хабар берган эдик.