Ўзбекистонда юк автомобиллари импорти кўпайди
Жамият
−
12 Декабрь 2021 10073
Жорий йилнинг январь-октябрь ойларида Ўзбекистонга 19 та хорижий давлатлардан қиймати 230,5 млн АҚШ долларига тенг бўлган 5 085 та юк автомобиллари импорт қилинган. Бу ҳақда Давлат статистика қўмитаси маълумот бермоқда.
Унга кўра, юк автомобиллари импорти ўтган йилнинг мос даври билан солиштирилганда 1 674 тага ошган.
Ўзбекистонга юк автомобилларини энг кўп импорт қилган давлатлар:
1. Хитой — 3954 та;
2. Россия — 787 та;
3. Беларус — 90 та;
4. Литва — 74 та;
5. Корея — 40 та;
Маълумот учун, сўнгги 10 ойда 3257 дона юк автомобиллари ишлаб чиқарилган. Ҳозирда Ўзбекистон аҳолисига тегишли бўлган юк автомобиллари 168 810 тани ташкил қилади.
Озода Чориева
Live
БарчасиБухорода Ғиждувон деҳқон бозори ёнмоқда.
14 Декабрь