Ўзбекистонда янги йўл белгилари пайдо бўлади

Жамият 8078
image

Янги таҳрирдаги Йўл ҳаракати қоидаларининг 1-иловаси 5-ахборот-кўрсаткич турига мансуб бўлган йўл белгилари орасига янгилари қўшилган. 

Бунда 5.15 “Тўхтаб туриш жойи” белгиси эски таҳрирда мавжуд эди. Ушбу белгига қўшимча тарзда 5.15.1., 5.15.2. ва 5.15.3. киритилди:

5.15.1 “Пуллик тўхтаб туриш жойи” йўл белгиси тадбиркорлик субъектлари томонидан ташкил этилган пуллик автотураргоҳлар, автомобиль қўйиш жойлари олдида;

5.15.2. эса “Ер усти автомобиль қўйиш жойи” йўл белгиси бўлиб,  кўп қаватли автотураргоҳлар олдига ёки яқинига;

 5.15.3. “Ер ости автомобиль қўйиш жойи” йўл белгиси ер ости автомобиль қўйиш жойлари, автотураргоҳларга киришдан олдин ўрнатилади. 

Маълумот учун, янги таҳрирдаги Йўл ҳаракати қоидалари 2022 йил 1 майдан бошлаб амалга киритилади.

Эслатиб ўтамиз, эндиликда “Ҳайдовчиликни энди бошлаган” – “Ҳайдовчилик малакаси етарли бўлмаган” ҳайдовчилик стажи 2 йилдан кам бўлган ҳайдовчилар бошқараётган механик транспорт воситаларида “❗️” белгисининг тасвири туширилган, сариқ рангли, томонлари 150 миллиметр бўлган квадрат кўринишидаги белги ҳайдовчининг хоҳишига кўра ўрнатилади. 

Бироқ, автомобиль ойнасига бундан бошқа ёзувларни ёзиш тақиқланади. Реклама мақсадидаги баннерлар бундан мустасно.

Диёра Абдураҳмoнова
Мақолага баҳо беринг
Баҳолаганлар: 201
Рейтинг: 3.1
t
×