Ўзбекистонда янги спорт ташкилоти иш бошлайди (видео)

Ўзбекистонда 2025 йилдан Ўзбекистон футзал федерацияси иш бошлайди. Бу ҳақда федерация томонидан бугун, 25 декабрь куни ўтказилаётган тақдимот маросимида маълум қилинди.

Қайд этилишича, 2025 йилдан эътиборан фаолиятини бошлайдиган Ўзбекистон футзал федерацияси президенти этиб Бекзод Акмалович Маматқулов номзоди маъқулланган.  

Шунингдек, Азиз Акбаржонов вице-президент этиб сайланган. Маъруфжон Абдуллаев эса бош котиб лавозимини эгаллаган.

Тадбирда Ўзбекистон футбол ассоциацияси президенти Абдусалом Азизов сўзга чиқиб, давлат раҳбари томонидан футболга, хусусан футзалга катта эътибор берилаётганини айтиб ўтган. FIFA томонидан Жаҳон чемпионати Ўзбекистонга ишониб топширилгани ва мусобақа юқори савияда ташкил этилганини қайд этган. 

“Жамоамиз мусобақада муваффақиятсиз иштирок этди. Бу эса футзални ривожлантириш ва янги босқичга олиб чиқиш зарур эканлигини кўрсатиб берди. Мазкур масала ассоциацияда кўп маротаба ўрганиб чиқилди”, деди ЎФА раҳбари.