O‘zbekistonda “svet” va gazni tejash uchun nimalar qilinishi ma’lum bo‘ldi

O‘zbekistonda energiya resurslari behuda sarflanishining oldini olish tizimi takomillashtiriladi. Bu kecha, 1 aprel kuni qabul qilingan “Yoqilg‘i-energiya resurslaridan noqonuniy foydalanish va behuda sarflanishining oldini olish hamda energiya samaradorligini oshirish bo‘yicha chora-tadbirlarni takomillashtirish to‘g‘risida”gi Prezident qarorida belgilandi.

Qarorga ko‘ra, hududlarda iste’molchilarni muqobil energiya resurslaridan foydalanishga o‘tkazish hamda energiya tejovchi texnologiyalarni o‘rnatish orqali 2,5 milliard kVt soat elektr energiyasini va 1,1 milliard metr kub tabiiy gazni iqtisod qilishga erishish maqsadida quyidagilar belgilandi:

• iste’molchilar tomonidan qayta tiklanuvchi energiya manbalari qurilmalaridan foydalanish hamda qo‘shimcha 74 mingdan ortiq ob’ektda jami quvvati 785 MVt bo‘lgan quyosh panellarini va 9 mingdan ortiq 1,2 mln litrli quyosh kollektorlarini o‘rnatish hisobiga 1,6 milliard kVt soat elektr energiyaсини tejash;
• aholisi ijtimoiy jihatdan og‘ir ahvolda bo‘lgan 300 ta mahallada quvvati 100 MVtdan ortiq kichik quvvatli fotoelektr stansiyalarini barpo etish hisobiga 45 million metr kub tabiiy gaзни tejash;
• byudjet tashkilotlarida energiya tejamkor uskunalardan foydalanishni kengaytirish hisobiga 39 million metr kub tabiiy gaзни tejash.

Shuningdek, 2025 yilda “Yashil iqtisodiyot”ga o‘tishni jadallashtirish doirasida qayta tiklanuvchi energiya manbalari qurilmalarini o‘rnatish, iste’molchilarni muqobil energiyaga o‘tkazish, energiya tejamkor va samarador texnologiyalarni joriy qilish dasturi tasdiqlanadi.

north_east

Prezident tabiiy gaz va elektrni iqtisod qilish bo‘yicha topshiriq berdi

2025 yil 1 maygacha Energetika vazirligi huzuridagi byudjetdan tashqari Tarmoqlararo energiyani tejash jamg‘armasining “Yashil imtiyoz” axborot tizimi hamkor tijorat banklarining tegishli axborot dasturlari bilan integratsiya qilinadi.

Eslatib o‘tamiz, oldinroq Vazirlar Mahkamasi huzurida Energiya samaradorligi milliy agentligi tashkil etilishi xabar qilingandi. Energiya samaradorligini oshirish sohasida yagona davlat siyosatini yuritish, sohada rag‘batlantiruvchi va ta’sir etuvchi choralar ishlab chiqish va tartibga solish mazkur agentlikning asosiy vazifalaridan biri etib belgilandi.