Ўзбекистонда нарколабораториялар кўпайди. Бунинг сабаби нима?

north_east

Саида Мирзиёева куч тузилмалари раҳбарлари билан йиғилиш ўтказди

Ўзбекистон ҳудудида нарколабораториялар ташкил қилиш ҳолатлари кўпайди. Бу ҳақда бугун, 5 декабрь куни Ўзбекистон Республикаси Президент Администарсияси ҳузуридаги Наркотиклар ва ўқ отар қуролларни назорат қилиш агентлиги масъул ходими Жонибек Юсупов QALAMPIR.UZ'га маълум қилди.

Ўтган йили 5 та нарколаборатория аниқланган бўлса, жорий йилнинг 10 ойи давомида 12 та нарколаборатория фош этилган. 

“Чегарада гиёҳвандлик воситалари киришига қаттиқ кураш кучайтирилгандан кейин, чегарадан олиб киришга имконият бўлмагач, ичкарида нарколаборатория пайдо қилишга ҳаракат бўляпти”, дейди у.

Юсуповнинг айтишича, нарколабораторияда тайёрланадиган синтетик гиёҳвандлик воситаларига ишлатиладиган компонентлар алоҳида-алоҳида чегарадан олиб кирилганда, у ноқонуний ҳисобланмайди. Гиёҳвандлик воситаларини ишлаб чиқариш ишлатиладиган нарсалар эса прекурсор деб аталади.

Эслатиб ўтамиз, Ўзбекистон Республикаси Президентининг 2025 йил 3 ноябрдаги “Аҳоли саломатлиги ва миллат генофондини гиёҳвандлик ва наркожиноятлардан самарали ҳимоя қилиш бўйича комплекс чора-тадбирлар тўғрисида”ги ПФ–207-сон фармони билан наркожиноят содир этган шахсларни жазони ўташдан муддатидан илгари озод қилмаслик ёки жазосини енгилроғи билан алмаштирмаслик тартиби жорий этилганди.