Ўзбекистонда 16% болалар ёлғиз оналар қарамоғида 

Ўзбекистонда 17 ёшгача бўлган болаларнинг, 16 фоизи фақат онаси, 2 фоизи эса фақат отаси билан бирга яшайди. 79 % болалар эса ота-онаси билан тўлақонли оилада ҳаёт кечиради. 

Бу ҳақда Давлат статистика қўмитаси ЮНИСЕФ билан ҳамкорликда ўтказган Мультииндикатор кластер кузатувлари натижаларига кўра маълум қилган.

2022 йилнинг 1 январь ҳолатига кўра, республикада 17 ёшгача бўлган болалар сони 12 млн 118 минг 591 кишини ташкил қилади. 

Унда айтилишича, Болаларнинг 3 фоизи биологик (яъни туғишган) ота-оналари билан бирга яшамайди.

Қайд этилишича, уй хўжаликларининг 81 фоизида 17 ёшгача, 42 фоизида 5 ёшгача бўлган камида битта бола истиқомат қилади.

Маълумот ўрнида, Мультииндикатор кластер кузатувлари – ЮНИСЕФ томонидан ишлаб чиқилган уй хўжаликларининг танланма кузатуви халқаро дастури бўлиб, асосан болалар ва аёллар ҳолатини баҳолаш мақсадида кўп кўрсаткичли маълумотларни тўплайди.