Ўзбекистонда 1 январдан футбол телеканали ишга туширилади
Спорт
−
25 Декабрь 7850
2025 йилнинг 1 январидан Ўзбекистонда янги футбол спорт турига ихтисослашган “Futbol TV” телеканали иш бошлайди. Бу ҳақда QALAMPIR.UZ манбаси хабар берди.
Ўзбекистон Республикаси Президентининг “Ўзбекистон Миллий телерадиокомпаниясининг мамлакатимиз медиамаконидаги ўрнини янада ошириш ҳамда фаолиятига замонавий ёндашувларни жорий этиш тўғрисида” 2024 йил 19 сентябрдаги ПФ-141-сон фармонига асосан 1 январдан “Futbol TV” телеканали фаолияти йўлга қўйилмоқда.
Маълум бўлишича, футболга ихтисослашган янги телеканал Ўзбекистон МТРК қошида ташкил этилади.
Қайд этиш жоиз, шу вақтга қадар Ўзбекистонда “UzReport” телеканали қошида “Futbol TV” телеканали ишлаган. Канал 2017-2022 йилларда фаолият кўрсатган.
