“Ўзбекистон почтаси” қатор давлатларга халқаро жўнатмаларни тикламоқчи

Жорий йилнинг 16 мартидан бошлаб коронавируснинг Ўзбекистонда тарқалиши муносабати билан барча мамлакатларга ҳаво, темир йўл ва автомобиль транспортида йўловчиларни ташиш тўхтатилди.

Шу сабабли, “Ўзбекистон почтаси” АЖ томонидан тегишли чораларни кўрган ҳолда, халқаро почта жўнатмаларини юбориш ва этказиб бериш жараёнини йўлга қўйиш учун барча имкониятларини ишга солмоқда.

Глобал хавфсизлик чораларининг кучайиши туфайли ҳаво ва темир йўллари транспортлари доимий равишда турли мамлакатларга парвозлар режаси ўзгартирилмоқда ёки камайтирилмоқда. Кўплаб йўналишларга ҳаво транспорти қатнови бутунлай тўхтатилган. Ҳаво транспортининг тўхтатилишини инобатга олган ҳолда, “Ўзбекистон почтаси” АЖ ер усти транспорти орқали юбориладиган почта жўнатмаларини қуйидаги давлатларга қабул қилади: Австрия, Бельгия, Болгария, Венгрия, Буюк Британия, Греция, Германия, Дания, Италия, Ирландия, Испания, Кипр, Люксембург, Латвия, Малта, Голландия, Португалия, Польша, Руминия, Словения, Словакия, Франция, Финляндия, Хорватия, Чех республикаси, Швеция, Эстония, Украина, Хитой, Литва, Беларусь, Қозоғистон, Туркманистон, Россия.

Транспорт алоқалари тикланишига қараб ушбу давлатлар рўйхатига ўзгартириш киритиб борилади. Ўзбекистон Республикаси ҳудудидаги ички жўнатмалар доимий йўналишлар бўйича амалга оширилади.