Урушда Россия ғалаба қилса, Япониянинг муносабати қандай бўлади?

Япониялик собиқ дипломат Укеру Магосаки Россиянинг Украинадаги ғалабаси Япония учун ёмон оқибатларга олиб келишини айтди. Бу ҳақда “Nikkan Gendai” газетасида чоп этилган мақолада айтилди.

Магосакининг сўзларига кўра, агар Москва ғалаба қилса, Япония ўз қарорлари ва Россияга қарши сиёсатидан пушаймон бўлади. Собиқ дипломатнинг айтишича, Украинадаги уруш Россия ҳамда АҚШ ва НАТОнинг бошқа давлатлари ўртасида бўлмоқда. 

Унинг таъкидлашича, японияликлар Америка қуролларининг афзалликларига ишонади ва шу сабабдан мамлакат жамоатчилиги собиқ бош вазир Ёширо Морининг “Москванинг мағлубиятини тасаввур қилиб бўлмайди”, деган баёнотига совуққонлик билан муносабатда бўлган.

Шунингдек, дипломат дунёдаги вазият ўзгараётгани, собиқ Бош вазир Мори айтган фикр ҳам ойдинлашаётганини айтган. Хусусан, Америка жамоатчилигининг Киевни қўллаб-қувватлаши камайиб бораётгани, европаликларни ҳам Украинани қўллаб-қувватлаш учун шунчалик ҳаракат қилиш шартми қабилидаги саволлар қийнаётганини кўриш мумкин.

“Украина можаросидан кейин Москванинг душманига айланиш жуда хавфли. Бўлиб ўтган ўзгаришлар ҳалигача тушунилмаган Японияда жавобгарликни Россияга юклашмоқда ва Москвага қарши санкциялар қўллашни талаб қилишмоқда. Аммо 5-10 йилдан сўнг японлар ҳозирги қарорларидан пушаймон бўлишади”, деган Укеру Магосаки.

Бундан ташқари, АҚШ ҳарбий фахрийси Ноктис Дравен Ғарб давлатлари Украинадаги можаро тугаганидан кейин ҳам тўхтамоқчи эмаслиги ҳақида огоҳлантирган. Унинг сўзларига кўра, Ғарб била туриб Киевга катта миқдорда сармоя киритган, ёрдам берган ва таъминлаган. У Россия ва Украина ўртасидаги можаронинг охири бўлмаслигига ишонишини айтган.