Умарали Раҳмоналиев фаолиятини Озарбайжонда давом эттиради (видео)
Спорт
−
28 Январь
4458Россиянинг “Рубин” клубида тўп тепаётган ўзбекистонлик футболчи Умарали Раҳмоналиев Озарбайжоннинг “Сабаҳ” жамоасига ўтди. Бу ҳақда Қозон клуби матбуот хизмати хабар берди.
21 ёшли футболчи Озарбайжонда 2025 йил охирига қадар ижара асосида тўп тепади.
Маълумот учун, Раҳмоналиев 2022 йилнинг декабрь ойидан буён Қозон клубида тўп тепиб келаётганди. У “Рубин” сафида жами 27 та ўйинда майдонда тушишга улгурган. “Рубин”да Раҳмоналиевдан ташқари яна бир ўзбекистонлик футболчи Рустам Ашурматов ҳам фаолият олиб боради.
Қайд этиш жоиз, Раҳмоналиев Озарбайжон чемпионатида тўп тепаётган ягона футболчи эмас. Ўзбекистоннинг турли ёшдаги терма жамоаларидаги ёрқин ўйинлари билан танилган Жасур Жалолиддинов ҳам Озарбайжон чемпионатида ўйнаб келмоқда. У мамлакатнинг “Сумгаит” клуби аъзоси ҳисобланади.
Эслатиб ўтамиз, аввалроқ бошқа бир ўзбекистонлик футболчи Ҳусайн Норчаев фаолиятини Португалияда давом эттириши мумкинлиги хабар қилинганди.
LiveБарчаси
17 Февраль