Украина Россияга яна йирик дрон ҳужуми уюштирди

Бугун, 24 январга ўтар кечаси Украина Қуролли кучлари Россияга йирик дрон ҳужумини амалга оширди. Бу ҳақда Россия Мудофа вазирлиги хабар берди.

Маълум қилинишича, ҳаво ҳужумидан мудофаа бир кун ичида Украинанинг 121 та учувчисиз учиш аппаратини йўқ қилган. 

“Рязань ва Брянск вилоятлари энг кўп зарар кўрди: ёнғинлар у ерда содир бўлди”, дейилади хабарда. 

Вазирлик маълумотларига кўра, Украинанинг 37 та дрони Брянск вилояти, 20 таси Рязань вилояти, 17 таси Курск вилояти, 17 таси Саратов вилояти, 7 таси Ростов вилояти, 6 таси Москва вилояти ҳудудидан уриб туширилган. Шунингдек, Ленинград вилоятининг Оредеж қишлоғи яқинида иккита дрон йўқ қилинган, қурбонлар ва вайронагарчиликлар йўқ. 

Баъзи ҳудудларда эса вайронагарчилик юз берган. Маълум қилинишича, Брянск вилоятида дронлардан бирининг қолдиқлари тергов қўмитаси биносига зарар етказган. Яна бир учувчисиз самолёт Менежмент ва бизнес институтининг юқори қаватларига қулаб тушган. Ҳужумдан сўнг бинода ёнғин бошланган, портлаш фасад ва ойналарга зарар етказган.

“Уриб туширилган дрон тўғридан-тўғри уйга қулаб тушди. Биз иккинчи қаватда эдик. Ҳамма тирик қолгани ва жароҳат олмаган. Биз бир кунда ҳамма нарсани йўқотдик”, деган жабрланувчилардан бири. 

Унинг сўзларига кўра, улар ҳатто ҳужжатларни ҳам сақлаб қола олмаган. Вилоят ҳокими жабрланган оилага зарур ёрдам кўрсатишни буюрган.

Эслатиб ўтамиз, аввалроқ Украина армияси Россиянинг Воронеж вилоятидаги нефть базасига зарба берганди.