Украина Работинони озод қилди
Олам
−
28 Август 2023 9789
Украина мудофаа кучлари Запорожье вилоятидаги Работино қишлоғини тўлиқ озод қилди. Бу ҳақда мамлакат Мудофаа вазири ўринбосари Анна Маляр маълум қилди.
“Жанубда биз ҳужумдамиз. Бу бизнинг асосий ҳужум чизиғимиз. Қарши тараф Запорожье ва Херсон вилоятларида мудофаа ҳолатида. Биласизми, Работино озод қилинди ва бизнинг қўшинларимиз Работинодан жануби-шарққа ва Малая Токмачка жанубига қараб ҳаракатланмоқда”, дейди Маляр.
Малярнинг аниқлик киритишича, гап Новоданиловка ва Новопрокоповка, шунингдек, Малая Токмачка ва Очеретоватий йўналишлари ҳақида кетмоқда.
“Мана шу йўналишлар бўлиб, бизнинг кучларимиз душманнинг шиддатли қаршилигига қарамай, ҳозир олдинга силжимоқда”, дейди Мудофаа вазирлиги вакили.
Шунингдек, у Бахмут йўналишида бир квадрат километр озод қилинганини маълум қилган.
Маълумот учун, Работино Украинанинг Запорожье вилояти Пологовский туманига қарашли қишлоқ. Работино 1869 йилда ташкил топган. 2022 йил март ойида у Украинага бостириб кириш пайтида рус қўшинлари томонидан босиб олинган.
Live
Барчаси
