UEFA ўтган мавсумда энг кўп даромад олган клубларни эълон қилди

UEFA Европа миқёсидаги мусобақаларда 2024-2025 йилги мавсумда клубларга берилган мукофот пуллари миқдорларини эълон қилди. Бу ҳақда ташкилот ўзининг расмий саҳифасида маълум қилди.

Манбага кўра, ўтган мавсум давомда UEFA жами 3 миллиард евродан сал кўпроқ бонуслар тақсимланган бўлиб, уларнинг 2,5 миллиард евроси Чемпионлар Лигаси иштирокчиларга берилган.

Чемпионлар Лигасининг энг кўп даромад олган 10 клуби:

• ПСЖ – 144,4 миллион евро;
• “Интер” – 136,6 миллион евро;
• “Арсенал” – 117 миллион евро;
• “Барселона” – 116,6 миллион евро;
• “Бавария” – 105,9 миллион евро;
• “Боруссия Дортмунд” – 102,2 миллион евро;
• “Реал Мадрид” – 101,8 миллион евро;
• “Ливерпуль” – 98,1 миллион евро;
• “Байер” – 87,1 миллион евро;
• “Атлетико Мадрид” – 84,9 миллион евро.

Европа Лигасининг энг кўп даромад олган 10 клуби:

• “Тоттенхэм” – 41,4 миллион евро;
•  “Манчестер Юнайтед” – 36,4 миллион евро;
•  “Лацио” – 24,2 миллион евро; 
• “Атлетик” – 24,0 миллион евро;
• “Айнтрахт Франкфурт” – 24,0 миллион евро; 
• “Лион” – 22,5 миллион евро; 
• “Будё-Глимт” – 21,9 миллион евро; 
• “Рейнжерс” – 20,7 миллион евро; 
• “Рома” – 20,5 миллион евро; 
• “Аякс” – 20 миллион евро.

Конференция Лигасининг энг кўп даромад олган 10 клуби:

Бу турнир жами 300 миллион евродан кам даромад келтирди. “Челси” эса турнир ғолиби бўлишига қарамай, Чемпионлар Лигаси сўнгги жамоаси “Слован Братислава”дан камроқ даромад олган.

• “Челси” – 21,8 миллион евро;
• “Бетис” – 17,1 миллион евро;
• “Фиорентина” – 14,0 миллион евро; 
• “Юргорден” – 13,0 миллион евро; 
• “Легия” – 10,8 миллион евро;
• “Рапид” – 10,7 миллион евро; 
• “Ягеллония” – 9,6 миллион евро; 
• “Витория Гимарайнш” – 9,4 миллион евро; 
• “Копенгаген” – 8,7 миллион евро; 
• “Лугано” – 8,5 миллион евро.

Маълумот учун, 2024-2025 йилги мавсумда ПСЖ Чемпионлар лигаси ғолиби бўлди. Европа лигасида эса “Тоттенхэм” бош совринни қўлга киритган, “Челси” эса Конференциялар лигаси чемпиони бўлди.