Туркманистонда болаларни пахта теримида ишлатиш тақиқланди

Олам

−

07 Август visibility3039

Туркманистонда вояга етмаган боланинг пахта теримида фойдаланишини тақиқловчи буйруқ кучга кирди. Бу ҳақда Меҳнат ва аҳолини ижтимоий муҳофаза қилиш вазири буйруғига таяниб, “Turkmenportal” хабар берди.

Ҳужжатга кўра, ўсмирлар учун тақиқланган касблар қаторига “пахта теримчиси” ҳам қўшилган. 2018 йилда тасдиқланган рўйхатга ўзгартиришлар киритилган. Янги буйруқ Адлия вазирлигида давлат рўйхатидан ўтказилган.

Туркманистон дунёдаги энг йирик пахта етиштирувчи ўнта давлатдан биридир. “Business Turkmenistan” нашрининг қайд этишича, мамлакатда пахта экспорти умумий маҳсулот экспорти ҳажмининг 15 фоизини ташкил этади ва республика ялпи ички маҳсулотига салмоқли ҳисса қўшади.

2018 йилда Қўшма Штатлар Туркманистондан пахта ва унинг таркибидаги маҳсулотларни импорт қилишни тақиқлаган эди. Ушбу қарорга сабаб сифатида Қўшма Штатларга меҳнат қонунчилигини бузган ҳолда ва “қул ёки болалар меҳнатидан фойдаланган ҳолда ишлаб чиқарилган маҳсулотлар”ни олиб киришни тақиқловчи қонун кўрсатилган.

Туркманистон ҳукумати ва Халқаро меҳнат ташкилоти (ХМТ) ўртасидаги 2024-2025 йилларга мўлжалланган ҳамкорлик бўйича “йўл харитаси”да белгиланган устувор чора-тадбирлардан бири вояга етмаганларнинг пахта теримида меҳнатини олдини олиш бўлди. Халқаро меҳнат ташкилоти веб-сайтидаги хабарда Туркманистон вакиллари 2024 йилнинг март ойида Ўзбекистонга келиб, мамлакат пахта соҳасида болалар ва мажбурий меҳнатга барҳам бериш тажрибасини ўрганишгани қайд этилган.

Маълумот учун, 2010 йилда Қўшма Штатлар Ўзбекистонда ишлаб чиқарилган пахтани сотиб олишни тақиқлаган эди. 2017 йил сентябрь ойида Ўзбекистон Президенти Шавкат Мирзиёев БМТ Бош Ассамблеясидаги умумий сиёсий муҳокамада сўзлаган нутқида ХМТ билан ҳамкорликда болалар ва мажбурий меҳнатга барҳам бериш чоралари кўрилганини айтган. 2019 йил 25 март куни АҚШ Меҳнат департаменти ўзбек пахтасини сотиб олишга қўйилган тақиқни бекор қилиш бўйича якуний қарорни қабул қилди. 2022 йил 1 март куни ХМТ матбуот хизмати Ўзбекистонда пахта терими болалар ва мажбурий меҳнатсиз олиб борилаётгани ҳақида хабар берди.

Мақола муаллифи

Алибек Бейжанов

Теглар

пахта Туркманистон

Баҳолаганлар

Рейтинг

Мақолага баҳо беринг

5 stars 4 stars 3 stars 2 stars 1 stars

Дўстларингиз билан улашинг

online_predictionLive

Барчасиcall_made

Тунисда давлат байроғини Туркия байроғи билан адаштирган масъуллар жазоланди

Тунисда Давлат миллий темир йўллари компанияси марказий биносида Тунис байроғи ўрнига Турк байроғини хато қилиб кўтарган 4 киши қўлга олинди.

16 Сентябрь

Мирзиёев эртага Қозоғистонга йўл олади

Ўзбекистон Президенти Шавкат Мирзиёев Қозоғистон Республикаси Президенти Қосим-Жомарт Тўқаевнинг таклифига биноан 17 сентябрь куни Марказий Осиё мамлакатлари ва Германия етакчиларининг иккинчи учрашувида иштирок этиш Остона шаҳрида бўлади.

16 Сентябрь

400 та чўл тошбақаси Ўзбекистондан олиб ўтмоқчи бўлган шахс ушланди

“Фарҳод” чегара постида тожикистонлик фуқаро 400 та Ўрта Осиё чўл тошбақасини Ўзбекистондан олиб чиқиб кетишга уринган.

Ҳолатга ҳуқуқий баҳо бериш ва керакли чора кўриш учун ҳужжатлар расмийлаштирилиб, суд органларига юборилган.

16 Сентябрь

Ходимни хатоси учун калтаклаган Инбазар иш бошқарувчиси 7 суткага қамалди

Муштумзўрликни видео тасвирга туширган шахс эса 5 суткага қамалган.

16 Сентябрь

Германия расмийсининг Ўзбекистонга сафари якунланди

Олаф Шольцни Самарқанд халқаро аэропортида Бош вазир ўринбосари Жамшид Хўжаев, Ташқи ишлар вазири Бахтиёр Саидов ва бошқа расмийлар кузатиб қўйган.

16 Сентябрь

Ироқ ҳукумати раҳбари мусулмонларни Фаластин йўлида бирлашишга чақирди

“Бугун биздан талаб қилинадиган нарса шуки, биз барчамиз, мусулмонлар ва араблар, Фаластинни қўллаб-қувватлаш учун шарафли позицияни эгаллашимиз керак”, деган Бош вазир.

16 Сентябрь

Ўзбекистонда қанча аёл шифокорлар фаолият юритмоқда?

2024 йил 1 январь ҳолатига Ўзбекистонда фаолият юритаётган барча мутахассисликдаги аёл шифокорларнинг умумий сони 49,6 минг нафарни ташкил этган.

16 Сентябрь

Жиззахдаги шифохонада жанжал кўтарган безорилар 15 суткага қамалди

Улар укаси ҳақида маълумот бермаган ҳамширани ҳақоратлаб, шиша тўсиқ, компьютер экрани ва эшик ойнасини синдирган.

09 Сентябрь