Туркиядаги зилзилада ўзбек футболчиларига ҳеч қандай зарар етмади
Спорт
−
06 Февраль 2023 5736
Бугун, 6 февраль куни Туркия жануби-шарқида 7,4 (баъзи манбаларда 7,9) магнитудали зилзила содир бўлди. Хабарингиз бор, айни вақтда кўпгина футбол бўйича Ўзбекистон терма жамоалари ва клублар Туркияда ўқув-йиғин машғулотларини ўтказмоқда. Ўзбекистон футбол ассоциацияси ҳозирда жамоаларнинг ҳолати қандайлигига ойдинлик киритди.
“Ўзбекистон футбол ассоциацияси айни пайтда Туркияда йиғин ўтказаётган турли ёшдаги терма жамоаларимиз билан доимий мулоқотда бўлиб турибди ва зилзила оқибатида вакилларимизга зарар етмаганлигини маълум қилади”, дейилади ЎФА хабарида.
Маълумот учун, ҳозирда Ўзбекистонда футбол мавсуми танаффусга чиққан. Одатда ўзбек жамоалари қишда Туркия ва БАА давлатларида мавсумолди тайёргарлик машғулотларини ўтказади.
Live
Барчаси07 Ноябрь 2023
07 Ноябрь 2023
07 Ноябрь 2023
07 Ноябрь 2023
