Туркияда Россиянинг икки клуби футболчилари муштлашди (видео)
Спорт
−
05 Февраль 6189
Россиянинг “СКА‑Хабаровск” ва “Челябинск” клублари футболчилари Туркиядаги ўқув-машғулот йиғинида ўтказилган ўртоқлик учрашувидан сўнг оммавий тарзда муштлашди.
Ўйин 4:3 ҳисобида челябинскликлар фойдасига ҳал бўлди. Финал ҳуштаги янграганидан кейин муштлашув бошланди, жанжал тасвирлари эса YouTube'да қилинган жонли эфирда намойиш этилди.
Қайд этилишича, “СКА‑Хабаровск” ўйинчиларидан бири “Челябинск” клуби аъзоси билан тўсатдан жанжаллашиб кетган, шундан сўнг қолган футболчилар баҳс жараёнига қўшилган. Муштлашув бошланганидан кўп ўтмай, жонли эфир узилиб қолган.
Маълумот учун, “СКА‑Хабаровск” Россия биринчи лигаси ўйнайди, “Челябинск” эса иккинчи лига баҳсларида иштирок этмоқда.
Live
Барчаси
