Туркияда аҳолини коронавирусга қарши эмлаш бошланди

Олам 1506
image

Туркияда аҳолини коронавирусга қарши эмлашнинг биринчи босқичи бошланди. Бу ҳақда маҳаллий телевидениега асосланиб хабар берилган. 

Таъкидланишича, ушбу босқичда 65 ёшдан катталар эмланади. 

Бугун, 14 январь куни эрта тонгда музлатилган транспорт воситалари полиция ҳамроҳлигида шифохоналарга вакциналарни олиб келган. 

Аввалроқ, Туркия Соғлиқни сақлаш вазири Фаҳриддин Кожа тиббиёт ходимларини коронавирусга қарши эмлаш 14 январда бошланишини маълум қилганди. 

Шунингдек, расмийлар Хитойнинг Sinovac компанияси билан 50 миллион дозали вакцина учун шартнома имзолагани маълум бўлганди. 

Маълумот ўрнида, Туркияда коронавирусга чалинганлар 2,36 млндан ошган. 2,23 млн киши соғайган ва 23 минг 325 киши вафот этган.

Рушана Султонова
Мақолага баҳо беринг
Баҳолаганлар: 42
Рейтинг: 3
t
×