Цукерберг Трампнинг Facebook ва Instagram аккаунтларидаги чекловларни бекор қилди
Олам
−
30 Январь
1972Америкалик тадбиркор, Facebook ижтимоий медиа хизмати ва унинг бош компанияси Meta Platforms асосчиси Марк Цукерберг АҚШ Президенти Дональд Трампнинг Facebook ва Instagram аккаунтларидаги чекловларни бекор қилди. Бу ҳақда “The Wall Street Journal” хабар берди.
Нашрга кўра, компания Оқ уй раҳбарига унинг саҳифаларини музлатиб қўйгани учун 25 миллион доллар товон пули тўлайди. Мета чекловларни бекор қилишини эълон қилганида, тахминан етти соат ичида Трампнинг блокланмаган Х аккаунтида (собиқ Twitter) обуначилар сони 25 миллионга етди.
АҚШ раҳбарининг аккаунтлари унинг биринчи президентлик муддатидан сўнг, сайловларда собиқ президент Жо Байденга ютқазгач, 2021 йилнинг 6 январида Капитолийга таҳдидлар сабаб блокланганди.
Цукерберг аввалроқ Байден маъмурияти унинг компаниясига маълум контентни олиб ташлаш учун босим ўтказганини айтган эди. Трампнинг Facebook , Instagram ва бошқа платформалардаги аккаунтларининг блокланиши қоидаларнинг бузилиши оқибати бўлган. 2021 йил июль ойида Трамп ижтимоий тармоқлар раҳбариятини судга берди. Twitter'га қарши иш тугатилди ва Google'га қарши даъво 2023 йилда ёпилди.
Трампнинг инаугурациясида қатнашган Цукерберг уни қўллаб-қувватлашини билдирди ва у Meta сиёсатини ўзгартириб, компаниянинг Facebook, Instagram, Threads ва WhatsApp каби иловаларидаги баъзи контентларга қўйилган чекловларни олиб ташлади.
Маълумот учун, Meta компаниясининг бутун йил давомида қўлга киритган соф даромади 59 фоизга ошиб, 62,36 миллиард долларни ташкил этган.
Эслатиб ўтамиз, 2023 йилнинг январь ойида Мета ташкилотининг глобал масалалар бўйича президенти Ник Клегг Трампнинг Facebook ва Instagram’даги аккаунтлари қайта тикланишини айтган эди.
LiveБарчаси
18 Февраль
18 Февраль