Трампнинг Ferrari'си аукционга қўйилди (фото)
Олам
−
25 Январь 5095
Америка автомобиллари аукцион уйи Rockstar АҚШ Президенти Дональд Трампнинг машинасини кимошди савдосига қўйди. Бу ҳақда аукцион уйи сайтида хабар берилди.
Қайд этилишича, лот сифатида 2007 йилда ишлаб чиқарилган Ferrari F430 Coupe суперкари тақдим этилган. У чиқарилганидан сўнг Трамп томонидан дарҳол сотиб олинган. Автомобиль айнан Трампга тегишли эканига далил сифатида ҳужжатлар ва ДЖТ (Дональд Жон Трамп) ҳарфлари билан давлат рўйхатидан ўтказиш белгиси ҳам сайтга жойлаштирилган.
Трамп бу автомобилга қанча вақт эгалик қилгани айтилмаган. Ferrari’нинг ҳолати : аварияларсиз, бўёқ эса шаффоф плёнка билан ҳимояланган. Rockstar автомобиль ҳолатини 10 баллдан 9 баллга баҳолаган.
errari F430 Coupe қизил рангга бўялган. Интерьери эса сарғиш рангли чармдан ишланган ва механик узатмалар қутиси орқали ҳаракатланади.
Автомобилнинг техник хусусиятлари: Ferrari F430 Coupe 4,3 литрли 490 от кучига эга V8 двигатели билан жиҳозланган. Спорткар 3,9 сонияда 100 км/с тезликка чиқади ва максимал тезлиги 315 км/соатни ташкил қилади.
“Rockstar F430 Coupe'ни 1 миллион долларга баҳолаган ва бу автомобилнинг бозор нархидан беш баравар кўп”, деб ёзади "Auto Bild".
Эслатиб ўтамиз, олдинроқ Нью-Йоркдаги RM Sotheby’s аукцион уйида афсонавий немис пойгачиси Михаэль Шумахернинг “Формула-1”нинг 2006 йилги мавсумида бошқарган Ferrari 248 машинаси сотувга қўйилганди.
Моҳимбегим Маъруфалиева
Live
Барчаси