Шумахернинг сўнгги Ferrari’си аукционга қўйилди

Нью-Йоркда афсонавий немис пойгачиси Михаэль Шумахернинг “Формула-1”нинг 2006 йилги мавсумида бошқарган Ferrari 248 машинаси сотувга қўйилди. Бу ҳақда RM Sotheby’s аукцион уйи хабар берди.

Савдолар 14 ноябрь куни бошланади. Аукцион 19 ноябргача давом этади. Машинанинг ҳозирги эгаси уни тўғридан тўғри Ferrari’дан 2007 йил декабрь ойида сотиб олган. 2022 йилнинг ноябрида Шумахернинг 2003 йилги мавсумдаги автомобили 14,69 миллион Швейцария франкига сотилган. Машҳур пойгачининг машинасининг кейинги эгаси, эҳтимол, кўпроқ тўлашга мажбур бўлади.

Маълумот учун, 2006 йил “Формула-1” бўйича етти карра чемпиони учун у 11 йил ўтказган Италия жамоасидаги сўнгги мавсум бўлган. Шасси рақами 254 бўлган машина немисни беш марта шоҳсупанинг энг юқори поғонасига олиб чиққан. Айнан ўша ерда Шумахер қутблар сони бўйича ўзининг кумири Айртон Сенна кўрсаткичидан ўтиб, янги рекорд ўрнатган.