Трамп Си Цзиньпинга махсус ҳайкалча совға қилди (видео)

АҚШ Президенти Дональд Трамп кеча, 24 сентябрь куни давлат кечки таоми пайтида Хитой Халқ Республикаси Раиси Си Цзиньпинга оқбош бургут ҳайкалини тақдим этди ва ушбу ноодатий совғанинг рамзий маъноси ҳақида сўзлаб берди. Бу ҳақда CNN хабар берди. 

Дональд Трамп Си Цзиньпиннинг АҚШга ташрифи шарафига уюштирилган давлат кечки таоми чоғида Хитой етакчисига оқбош бургут ҳайкалини совға қилган. Америка Президентининг сўзларига кўра, ҳайкал америкалик рассом томонидан шахсан ўзи ва биринчи хоним Мелания Трамп иштирокида ясалган.

“Оқбош бургут – Қўшма Штатларнинг миллий рамзи ва Американинг эркин ҳамда парвоз қилувчи руҳининг гавдаланишидир”, дейди Трамп совғанинг аҳамиятини тушунтирар экан.

Ҳайкалчанинг баландлиги тахминан 90 сантиметр бўлган қушни тасвирлайди. Трамп, шунингдек, ушбу совға Пекинда муносиб ўрин эгаллашига умид билдирган.

“У Пекинда яхши ва ажойиб бир ўрин топади, деб умид қиламиз”, дейди Америка етакчиси.

Эслатиб ўтамиз, аввалроқ Си Цзиньпин уч кунлик давлат ташрифини амалга ошириш учун Вашингтонга етиб боргани ва Дональд Трамп меҳмонларни Оқ уйда кутиб олиш анъанасини бузиб, уни аэропортда шахсан қарши олгани ҳақида хабар берилган эди.