Трамп Шейнбаумни ЖЧ финалига таклиф қилди

Мексика Президенти Клаудия Шейнбаум АҚШ Президенти Дональд Трампнинг таклифига биноан АҚШда бўлиб ўтадиган футбол бўйича Жаҳон чемпионати финалига ташриф буюришини маълум қилди. Бу ҳақда Шейнбаум “Reforma” нашрига берган интервьюсида сўз очди.

“Президент Трампдан Жаҳон чемпионати финалига бориш учун таклиф олдим ва бу АҚШ Президентининг шахсий таклифи бўлгани учун боришга қарор қилдим... Эртага бу ҳақда батафсил маълумот берадиган мурожаатимни ёзиб қолдираман”, дейди Шейнбаум.

Унинг сўзларига кўра, тадбирда Канада Бош вазири Марк Карни ҳам иштирок этади. 2026 йилги футбол бўйича Жаҳон чемпионати финали эртага, 19 июль куни АҚШнинг Нью-Жерси штати, Ист-Ратерфорд шаҳридаги “МетЛайф” стадионида бўлиб ўтади. Финалда Испания ва Аргентина терма жамоалари ўзаро баҳс олиб боради.

Эслатиб ўтамиз, аввалроқ Испания Бош вазири Педро Санчес АҚШ Президенти Дональд Трамп билан мудофаа харажатлари бўйича келишмовчиликларга қарамай, Испания ва Аргентина ўртасидаги Жаҳон чемпионати финалини томоша қилиш учун Нью-Йоркка бориши ҳақида хабар берилган эди.