Трамп Россияни Украина масаласида “ҳаракатни бошлаш”га чақирди
Олам
−
11 Апрель 5350 1 дақиқа
АҚШ Президенти Дональд Трамп Украинада давом этаётган уруш оқибатида ҳаётдан кўз юмаётган одамлар сонини “жуда кўп” деб баҳолаб, Россияни можарони ҳал қилиш йўлида ҳаракат бошлашга чақирди. Бу ҳақда у ўзининг Truth Social ижтимоий тармоғидаги саҳифасида маълум қилди.
“Россия ҳаракатни бошлаши керак. Ҳафтасига минглаб одамлар ҳалок бўлаяпти. Бу даҳшатли ва маъносиз уруш бўлмаслиги керак эди. Агар мен Президент бўлганимда у бўлмасди!!!” деб ёзди Трамп.
Эслатиб ўтамиз, март ойида АҚШ Украинада 30 кунлик вақтинча оташкесим ўрнатиш ва кейинчалик урушни тўлиқ тугатиш бўйича келишувга эришишни таклиф қилди. Киев бу таклифни қисман қабул қилди. Россия Президенти Владимир Путин эса ушбу ташаббус юзасидан фикр билдириб, айрим муҳим жиҳатларга, жумладан, Украина армиясининг қайта қуролланиши хавфини олдини олиш зарурлигига эътибор қаратди.
АҚШнинг Россия ва Украина билан ўтказган алоҳида маслаҳатлашувлари натижасида томонлар энергетика объектларига нисбатан зарбаларни тўхтатиш, кейинчалик эса Қора денгиздаги ҳужумлардан воз кечиш бўйича келишувга эришди.
Россия Ташқи ишлар вазирининг ўринбосари Сергей Рябков эса бу жараён юзасидан сўзлар экан, Россия АҚШнинг таклифларини “шунчаки” қабул қила олмаслигини таъкидлади.
Live
Барчаси
