Трамп Оқ уйда UFC жангини ўтказмоқчи

АҚШ Президенти Дональд Трамп келаси йил Мусақиллик байрамида Оқ уй ҳовлисида UFC жангини ўтказмоқчи. Бу ҳақда CNN хабар берди.

“Ҳар бир миллий боғ ва тарихий жойларда Америка мустақиллигининг 250 йиллигига бағишланган махсус тадбирлар ўтказилади. Биз UFC жангини ҳам ташкил қиламиз – бир ўйлаб кўринг – Оқ уй ҳовлисида”, деди Трамп.

Қайд этилишича, мазкур хабар жиддий айтилган бўлиб, Оқ уй расмийлари ҳам буни тасдиқлаган.

“UFC тадбирини Оқ уй ҳудудида ўтказиш бўйича музокаралар олиб бораяпмиз”, деди Оқ уй матбуот котиби Кэролайн Ливитт.

Қайд этиш жоиз, Дональд Трампнинг UCF президенти Дана Уайт билан алоқалари яхши. У 2024 йилги сайловда Трампнинг асосий тарафдорларидан бири бўлган. Шунингдек, Трамп UFC жангини бевосита томоша қилган АҚШ Президент ҳисобланади.

Эслатиб ўтамиз, 2023 йилнинг августида  Дональд Трамп UFC жангчиси Жастин Гетжни гольф ўйинига таклиф қилган. Шунингдек, 2020 йилги сайлов компанияси доирасида Невада штатида нутқида россиялик спортчи Хабиб Нурмуҳамедов ва америкалик Жастин Гэтжи ўртасидаги жангни томоша қилишини айтган.

Дилшод Ҳакимов