Трамп Миландаги хоккей финалига ташриф буюради – ОАВ 

Агар хоккей бўйича АҚШ терма жамоаси Олимпиада финал босқичига чиқса, мамлакат Президенти Дональд Трамп уни томоша қилиш учун Миланга қисқа муддатга ташриф буюришни режалаштирмоқда. Бу ҳақда “The Post Internazionale” нашри хабар берди.

Манбага кўра, АҚШ Президенти сафари расмий учрашувлар, тантанали кечки овқатлар, протокол тадбирлари ёки шаҳарда узоқ вақт қолишни ўз ичига олмаслиги кутилмоқда. Италия префектуралари ва полиция тузилмалари эса АҚШ вице-президенти Жей Ди Вэнс ҳамда Давлат котиби Марко Рубионинг яқинда қишки Олимпиада ўйинларининг тантанали очилиш маросимига қилган ташрифларини инобатга олиб, эҳтимолий хавфсизлик чораларини дастлабки баҳолашни бошлаб юборган.

Нашрнинг ёзишича, блокадалар ва кузатув тадбирларининг кўлами сезиларли бўлиши мумкин, бироқ сафарнинг қисқа формати сабаб вақт жиҳатидан чекланган бўлади.

Нашрнинг қўшимча қилишича, Трамп жорий йилнинг 22 февраль куни Веронада бўлиб ўтадиган Олимпия ўйинларнинг ёпилиш маросимида ҳам иштирок этиши мумкин.

Маълумот учун, АҚШ хоккей терма жамоаси Олимпия ўйинлари чорак финалига чиққан. Улар бу босқичда Швеция / Латвия жуфтлиги ғолиб билан тўқнаш келади. Мусобақанинг финал учрашуви жорий йилнинг 22 февраль куни бўлиб ўтади.