Трамп қамоқда ҳам АҚШ Махфий хизмати ҳимоясида бўлади

Американинг собиқ президенти Дональд Трамп қамоққа олинган тақдирда ҳам АҚШ Махфий хизмати ҳимоясида қолади. Бу штатлар томонидан 1965 йилда қабул қилинган ҳуқуқий ҳужжатга асосан амалга оширилади. Бу ҳақда WKYT хабар берди.

АҚШ қонунчилигига кўра, Махфий хизмат собиқ президент ва унинг рафиқаси, агар улар бундай ҳимоядан воз кечмасалар, уларни умрбод ҳимоя қилиши шарт.

Агентликнинг таъкидлашича, Трампни бундай имтиёздан маҳрум қилишнинг ягона йўли қонуннинг ўзини ўзгартиришдир. Ҳаттоки импичмент таҳдиди остида бўлса ҳам, собиқ президент ваколат муддатининг расман тугагунига қадар ўз лавозимида қолди, шунинг учун АҚШнинг собиқ раҳбари умрбод барча имтиёзларга эга.

Айни пайтда суд сиёсатчидан расмий ҳибсга олишни олиб ташлади, шундан сўнг у Флоридага қайтди. Иш бўйича навбатдаги суд мажлиси 4 декабрга белгиланган.

Эслатиб ўтамиз, Трамп жиноий жавобгарликка тортилган АҚШнинг биринчи собиқ президенти бўлди. Прокурорлар унга қалбакилаштириш бўйича 34 та айблов қўйган. Айбловнинг асоси “биринчи даражали бизнес ҳужжатларини бошқа жиноят содир этиш учун қалбакилаштириш” ва энг кўп тўрт йиллик қамоқ жазосини ўз ичига олади.

Аввалроқ, кеча, 4 апрель куни АҚШнинг собиқ президенти Дональд Трамп расман ҳибсга олинганди. Ҳибсга олиш унга қарши айбловлар қўйилмагунча давом этиши айтилганди.