Трамп АҚШ Олий судида қисман ғалаба қозонди

АҚШ Олий суди собиқ президент Дональд Трамп 6 январь куни Конгрессга уюштирилган ҳужумдаги роли ва 2020 йилги президентлик сайловларига даъво қилинган аралашуви учун “баъзи масалаларда дахлсизлик”ка эга, деган қарорга келди.

АҚШ Олий суди судялари Трампнинг ўзига қўйилган айбловлар бўйича “президентлик дахлсизлиги” борлиги ҳақидаги даъвосини кўриб чиқди. Суд 6-3 овоз билан собиқ президент ўз расмий хатти-ҳаракатлари учун жиноий жавобгарликка тортилмаслик ҳуқуқига эга, аммо дахлсизлик унинг шахсий хатти-ҳаракатларига тааллуқли эмас, деган қарорга келди.

“Конституциявий ҳокимият бўлинишига кўра, Президент ҳокимиятининг табиати собиқ президент ўз ваколати давридаги расмий хатти-ҳаракатлари учун жиноий жавобгарликка тортилишдан қисман дахлсизлик ҳуқуқига эга бўлишини тақозо қилади, деган хулосага келдик”, дейди Бош судя Жон Робертс.

Унинг таъкидлашича, АҚШ Президенти қонундан устун эмас. 

“Президент ўзининг норасмий хатти-ҳаракатлари учун иммунитетга эга эмас ва у қилаётган ҳамма нарса норасмийдир. Президент қонундан устун эмас”.

Робертснинг таъкидлашича, қарор қуйи даражадаги федерал судга юборилади. 

"Шунга кўра, биз уни биринчи навбатда Трампнинг бу соҳадаги хатти-ҳаракати расмий ёки норасмий деб таърифланиши кераклигини аниқлаши учун туман судига қайтарамиз", дейди судя.

Олий суднинг қарори Трумпнинг тегишли айбловлардан тозаланиши ёки йўқлигини аниқлаш учун ўтказилиши керак бўлган қўшимча брифинглар ва тингловлар унинг суд муддатини кечиктиришига сабаб бўлди.

Маълумот учун, Трамп 6 январь воқеаларидаги роли ва 2020 йилги президентлик сайловларига аралашгани учун судга тортилмоқда. Собиқ президент Олий суддан ишни тугатишни сўраган ва у ўзининг лавозимида бўлган вақтида қилган ҳаракатлари “президентлик дахлсизлиги” билан қопланганини таъкидлаган.