Трамп 9 феврални “Америка кўрфази куни” деб эълон қилди

north_east

Мексикадан Трампга ўз услубида жавоб. Шейнбаум АҚШнинг номини ўзгартирмоқчи (видео)

АҚШ Президенти Дональд Трамп Air Force One бортида Мексика кўрфази узра парвози чоғида 9 феврални “Кўрфаз куни” деб эълон қилиш тўғрисидаги фармонни имзолади. Бу ҳақда оқ уй матбуот хизмати хабар берди. 

“Трамп ҳукумат амалдорлари ва барча америкаликларни ушбу санани тегишли тадбирлар ва маросимлар билан нишонлашга чақирди”, дейилади Оқ уй баёнотида.

Қайд этиш жоиз, Трамп лавозимига киришишининг илк кунидаёқ Мексика кўрфазининг номини “Америка кўрфази” деб ўзгартириш тўғрисидаги фармонни имзолаган эди. Ҳужжатда таъкидланишича, Президент шу йўл билан "ҳукуматга соғлом фикрни киритмоқда ва Америка цивилизацияси асосларини янгиламоқда".

Google янгиланган расмий маълумотларга кўра, сервис хариталарида кўрфазнинг янги номи акс этиши, Аляскадаги Денали тоғининг номи эса “МакКинли” деб ўзгартирилганини айтди.

Google баёнотида аниқлик киритилишича, Қўшма Штатлардаги фойдаланувчилар "Америка кўрфази" номини кўради, мамлакат ташқарисида эса иккала версия ҳам хариталарда пайдо бўлади.

Маълумот учун, 78 ёшли Дональд Трамп 2024 йил 5 ноябрда бўлиб ўтган президентлик сайловларида Демократик партиядан номзод ва АҚШ вице-президенти Камола Ҳаррисни ортда қолдириб, ғалаба қозонди. У 2017 йилдан 2021 йилгача АҚШ президенти лавозимида ишлаган, шундан сўнг унинг ўрнини демократ Жо Байден эгаллаган. Жеймс Дэвид Вэнс АҚШнинг 50-вице-президенти бўлди.