Тожикистондаги аксилтеррор операциясида офицер ўлдирилди

Олам 16781
image

Тожикистон шарқидаги Тоғли Бадахшон автоном вилоятида ўтказилган аксилтеррор операцияси оқибатида хавфсизлик кучлари орасидан бир киши ҳалок бўлди. Бу ҳақда Тожикистон Ички ишлар вазирлиги матбуот хизмати хабар берди.  

“Оқибатда бир офицер ҳалок бўлди, 13 нафар ҳарбий хизматчи оғир жароҳат олди”, дейилган манбада. 

Шунингдек, жангарилар томонидан 8 киши ҳалок бўлган, 11 киши яраланган, террорчилик гуруҳининг 70 дан ортиқ фаол аъзоси қўлга олинган. Операция давомида тинч аҳоли вакилларидан ҳеч ким жабрланмаган. 

Қайд этилишича, 200 кишидан иборат уюшган жиноий гуруҳ барча турдаги қуролларни қўллаган ҳолда Душанбе-Хороғ автомобиль йўлини ва Рушон тумани марказидаги 3 нуқтада чегара комендатурасини тўсиб қўйган. 

Уюшган жиноий гуруҳ аъзолари ҳуқуқ-тартибот идоралари ходимларининг қуролларни топшириш ҳақидаги қонуний талабларини бажармаган ва қуролли қаршилик кўрсатган. 

Аввалроқ, Тожикистон куч тузилмалари Тоғли Бадахшон автоном вилоятида террорга қарши операция бошлагани ҳақида хабар бергандик.

Рушана Султонова
Мақолага баҳо беринг
Баҳолаганлар: 793
Рейтинг: 2.9
Теглар
t
×