Тото Кутуньо вафот этди
Маданият-санъат
−
22 Август 2023 22879
L’Italiano қўшиғи билан танилган италиялик қўшиқчи Тото Кутуньо 80 ёшида вафот этди. Бу ҳақда “Ansa” агентлиги хабар берди.
Маълум қилинишича, хонанда Миландаги Сан-Раффаеле шифохонасида оламдан ўтган. Унинг менежери Данило Манкузога кўра, Кутуньо узоқ вақтдан бери хаста бўлган ва сўнгги ойларда аҳволи оғирлашган.
Салваторе Кутуньо 1943 йил 7 июлда Тосканадаги Фоздиново шаҳрида туғилган. У ўз фаолиятини композитор сифатида бошлаган. 1980 йилда у Сан-Ремодаги мусиқа танловида “Solo noi” қўшиғи билан иштирок этиб, ғолиб бўлган. Уч йилдан сўнг у “L’Italiano” композицияси билан конкурсда қатнашади ва бу қўшиқ унга оламшумул машҳурлик келтирган.
Тото Адриано Челентано, Мирей Мате, Далида каби машҳурлар ҳамда Ricchi e Poveri гуруҳи билан ҳам ҳамкорлик қилиб, улар учун мусиқа басталаган.
