Тошкентда лифт катта тезликда пастга тушишидан 11 киши жароҳатланди

3-саҳифа

−

19 Июнь 2023 visibility18331

Тошкент шаҳри Янгиҳаёт туманидаги кўп қаватли уйда пастга тушаётган лифт носозлик сабабли тезлашиб, пастга тушиб кетди. Оқибатда 11 киши жароҳат олди, улардан 3 нафари шифохонада қолмоқда. Бу ҳақда Фавқулодда вазиятлар вазирлиги Матбуот хизмати хабар берди.

Келтирилишича, воқеа кеча, 18 июнь 16:15 ларда туманнинг “Янги Дархон” маҳалласи Наврўз кўчасида жойлашган кўп қаватли уйнинг юк ташиш учун мўлжалланган лифтида содир бўлган. Лифт юқоридан пастга тушаётган вақтида техник носозлик туфайли тезлашиб, 1-қаватга яқинлашганда лифтнинг автоматик тормоз тизими ишга тушиб тўхтаган.

Оқибатда унда бўлган 11 нафар фуқаро турли даражада енгил тан жароҳати олиб, Республика шошилинч тиббий ёрдам илмий марказига олиб кетилган.

Ҳозирда шифохонадан 8 нафар фуқарога уйига рухсат берилган, қолган 3 нафарига тиббий ёрдам кўрсатилмоқда.

Мақола муаллифи