Тошкентда Lacetti ҳайдовчиси мактаб ўқувчисини уриб юборди
3-саҳифа
−
27 Апрель 2023 11512 1 дақиқа
Тошкент шаҳри Чилонзор туманида Lacetti ҳайдовчиси мактаб ўқувчисини уриб юборди. Бу ҳақда пойтахт Ички ишлар бош бошқармаси Йўл ҳаракати хавфсизлиги бошқармаси хабар берди.
Бугун, 27 апрель куни соат 08:00 ларда Чилонзор тумани Сойбўйи кўчаси 168-мактаб қаршисида фуқаро A.E. Lacetti машинасини бошқариб кетаётиб, пиёда 2005 йилда туғилган Ш.Ж.ни уриб юборган.
Ушбу йўл-транспорт ҳодисаси оқибатида пиёда Ш.Ж. тан жароҳати билан шифохонага ётқизилган.
Ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ҳаракатлари олиб борилмоқда.
Шунингдек, ушбу ҳудудда йўл-транспорт ҳодисаларининг келгусида олдини олиш мақсадида ҳудудий батальон командири томонидан, йўл инфратузилмалари ўрганилмоқда.
Live
Барчаси
