Тошкентда кетма-кет 6 та автомобиль тўқнашди

Жамият 6941
image

Тошкент шаҳри Юнусобод туманида олтита автомобиль иштирокида йўл-транспорт ҳодисаси содир бўлди. Бу ҳақда Ўзбекистон ИИВ ЙҲХББ хабар бермоқда.

Жорий йилнинг 22 январь куни соат 17:00 ларда Тошкент шаҳар Юнусобод тумани Янги Юнусобод кўчасида жойлашган кафе рўпарасида 2001 йилда туғилган ҳайдовчи Х.Х. Nexia-2 русумли автомобилда ҳаракатланаётиб, тезликни пасайтирган вақтида, унинг ортидан келаётган:

  • 1996 йилда туғилган С.Н. бошқарувидаги Nexia-3 русумли;
  • 1977 йилда туғилган Н.Р. бошқарувидаги Epica русумли;
  • 1984 йилда туғилган М.С. бошқарувидаги Nexia-2 русумли;
  • 1993 йилда туғилган А.В. бошқарувидаги Matiz русумли;
  • 1992 йилда туғилган И.Р. бошқарувидаги яна бир Matiz русумли автомобиллар иштирокида олдинма-кетин тўқнашув содир бўлган.

Тўқнашув оқибатида тан жароҳати олганлар йўқ.

Мазкур ЙТҲ юзасидан Тошкент шаҳар ИИББ ЙҲХБ томонидан суриштирув ишлари олиб борилмоқда.

Умиджон Нозимжонов
Мақолага баҳо беринг
Баҳолаганлар: 144
Рейтинг: 3.1
t
×