Тошкентда 55 млн сўмлик оёқ кийим ўғриси ушланди
3-саҳифа
−
19 Февраль 6520
Тошкент шаҳрида 55 млн сўмлик оёқ кийимларни ўғирлаган 35 ёшли ўғри ушланди. Бу ҳақда шаҳар Ички ишлар бош бошқармаси матбуот хизмати хабар берди.
Маълум қилинишича, жорий йилнинг январь-февраль ойларида номаълум шахс Чилонзор туманида жойлашган йирик савдо мажмуаси омборидан 2001 йилда туғилган С.У.га тегишли 55 млн сўмлик 275 жуфт аёллар пойабзалини ўғирлаб кетган.
Кўрилган чора-тадбирлар натижасида ушбу жиноятни содир этишда гумон қилинган 1990 йилда туғилган Н.О. аниқланиб, қўлга олинган. Мазкур ҳолат юзасидан Ўзбекистон Республикаси Жиноят кодексининг 169-моддаси (Ўғрилик) билан жиноят иши қўзғатилган.
“Тергов давом этмоқда. Гумонланувчига нисбатан қамоққа олиш тарзидаги эҳтиёт чораси қўлланган”, дейилади хабарда.
Эслатиб ўтамиз, аввалроқ Бухорода 23 млн сўмлик тилла тақинчоқларни ўғирлаган шахс ушланганди.
Live
Барчаси
