Tошкентда 3 қаватга рухсат олиб, 12 қаватли бино қурган тадбиркор аниқланди
Жамият
−
11 Май 2023 12631
Тошкентда 3 қават қурилиши режалаштирилган бинода ноқонуний тартибда қўшимча 9 қават ва мансарда қурган тадбиркор аниқланди. Бу ҳақда Тошкент шаҳар қурилиш соҳасида ҳудудий назорат инспекцияси Матбуот хизмати QALAMPIR.UZ'га маълум қилди.
Аниқланишича, Тошкент шаҳар Учтепа тумани 23-мавзе ҳудудида буюртмачи "М.Г.Ҳ." МЧЖ томонидан қурилаётган савдо ва маиший хизмат кўрсатиш мажмуасида қурилиш-монтаж ишларини бошлаш тўғрисида 2021 йилда назорат инспекциясига хабарнома юборилган. Тошкент шаҳар қурилиш бош бошқармасининг тегишли хулосаси билан бино эскиз лойиҳаси 3 қаватга келишилган.
2021 йилда эса ушбу объектда лойиҳадан четга чиққан ҳолда қўшимча қаватлар қурилиши аниқланган. Мазкур қоидабузарлик юзасидан бир неча марта ёзма кўрсатма ҳамда огоҳлантириш хатлари берилишига қарамасдан қурилиш ишларини давом эттирган.
Ҳозирда тадбиркор Маъмурий жавобгарлик тўғрисидаги кодекснинг 99-моддаси (шаҳарсозлик тўғрисидаги қонунчиликни бузиш) тегишли бандлари асосида жавобгарликка тортилган ҳамда ушбу объект юзасидан Суд органларига даъво аризалари киритилган.
Нурмуҳаммад Файзуллаев
Live
Барчаси