Тошкентда прокуратура терговчиси 50 минг доллар пора билан қўлга тушди

3-саҳифа 15530
image
-

Тошкент шаҳар Учтепа тумани прокуратураси терговчиси 50 минг АҚШ доллари пора олаётганда қўлга тушди. QALAMPIR.UZ’га етиб келган хабарлар ҳақида Ўзбекистон Республикаси Бош прокуратураси бошқа жиноятлар сингари ахборот бергани йўқ. 

Бугун, 7 май куни QALAMPIR.UZ ҳолат ҳақида маълумот олиш учун Бош прокуратура Матбуот котиби Ҳаёт Шамсутдинов билан боғланди. Шамсутдинов ушбу ҳолат рўй берганини тасдиқлади. 

Унинг қайд этишича, Давлат хавфсизлик хизматининг Тошкент шаҳар бошқармаси томонидан Тошкент шаҳар прокуратураси билан ҳамкорликда ўтказган тадбирида Учтепа тумани прокуратураси терговчиси 50 минг АҚШ долларини пора тариқасида олганда қўлга тушган. 

Мазкур ҳолат юзасидан жиноят иши қўзғатилиб, Тошкент шаҳар прокуратураси томонидан тергов ҳаракатлари олиб борилмоқда.

Qalampir.uz Tahririyati
Мақолага баҳо беринг
Баҳолаганлар: 567
Рейтинг: 3
t
×