Тошкент – Андижон поездига отилган тош 9 ёшли болакайга келиб тегди
3-саҳифа
−
11 Апрель 2022 12676
Кеча, 10 апрель куни Тошкент – Андижон поездига отилган тош 9 ёшли болакайга келиб тегди. Бу ҳақда “Ўзбекистон темир йўллари” АЖ матбуот хизмати хабар берди.
Қайд этилишича, 10 апрель куни Тошкент – Андижон йўналишида ҳаракатланаётган 62-сонли йўловчи поездига номаълум шахс томонидан тош отилган. Ушбу воқеа соат 22:25 да “Олтиариқ – Марғилон” участкасининг 244-километрида содир бўлган.
Поезднинг 6-вагонидаги ойнани ёриб ўтган тош 9 ёшли йўловчининг бош қисмига урилган. Зарба бола қошининг устки қисмига тегиши оқибатида қон кетишига сабаб бўлган. Соат 22:32 да “Марғилон” темирйўл вокзали фельдшери томонидан зудлик билан жабрланган йўловчига биринчи тиббий ёрдам кўрсатилган.
Хабарга кўра, мазкур ҳолат юзасидан тегишли идоралар томонидан суриштирув ишлари олиб борилмоқда.
Live
Барчаси