Тошкент ҳокимлиги аҳолини огоҳлантирди

Жамият 15596
image

Пойтахт Тошкентда бугун, 27 октябрь куни кучли шамол эсиши кутиляпти. Шу сабабдан шаҳар ҳокимлиги аҳолига огоҳлантириш билан чиқди.

“Гидрометеорология хизмати маркази”нинг маълумотига кўра, бугун пойтахтда шамол кутилмоқда. Шамол тезлиги 12-17 м/с гача етиши мумкин”, дейилган пойтахт ҳокимлиги хабарида.

Таъкидланишича, шамол дарахтлар ва шохларни синдириши, мустаҳкам ўрнатилмаган конструкцияларни ўрнидан қўзғатиши мумкин.

“Барча тошкентликлар ва пойтахтимиз меҳмонларидан кучли шамол кузатилганида кўчада ҳаракатланмасликларини,  автомобилларини дарахтлар ва бошқа турли мустаҳкам бўлмаган конструкциялардан узоқроқ, хавфсиз жойга қўйишларини сўраймиз”, дея огоҳлантирган ҳокимлик.

Фавқулодда вазиятларда қуйидаги рақамларга мурожаат қилинг: 1055, 1050

Суннатилла Абдуллаев
Мақолага баҳо беринг
Баҳолаганлар: 505
Рейтинг: 3.1
Теглар
t
×