Томас Бах ХОҚ президенти этиб қайта сайланди

Спорт 1465
image

Халқаро олимпия қўмитаси (ХОҚ) раҳбари Томас Бах ўз лавозимига қайта сайланди. Сайловлар давомида у ягона номзод эди. Натижада, Бахнинг номзодини 93 киши қўллаб-қувватлади, тўрт киши бетараф қолди ва бир нафар делегат қарши овоз берди.

Бахни қайта сайлаш тўғрисидаги қарор ХОҚнинг онлайн тарзда ўтказилаётган 137-сессияси пайтида қабул қилинди. Сессиянинг трансляцияси ХОҚнинг YouTube каналида мавжуд.

Бахнинг янги президентлик муддати тўрт йилга – 2025 йилгача ҳисобланади.

Қиличбозлик бўйича Германия терма жамоасининг собиқ аъзоси 2013 йил сентябридан бери Олимпия қўмитасини бошқариб келмоқда. Ушбу лавозимда у бельгиялик Жак Роггенинг ўрнини эгаллаган.

Бах тарихда ХОҚ президенти бўлган биринчи Олимпия чемпиони бўлди. У 1976 йилда Монреалда бўлиб ўтган ўйинларда олтин медални қўлга киритганди. Томас фольга қиличбозлик бўйича жамоавий мусобақада Германия терма жамоаси билан ғалаба қозонган.

Умиджон Нозимжонов
Мақолага баҳо беринг
Баҳолаганлар: 20
Рейтинг: 3
t
×