“Толибон” Рамазонда озиқ-овқат нархини кескин пасайтиришни буюрди

Рамазон ойи муносабати билан “Толибон” муваққат ҳукумати Афғонистонда айрим турдаги озиқ-овқат нархларини пасайтиришни буюрди. Бу ҳақда “Sputnik Афганистан” нашри хабар берди.

“Толибон” Молия вазирлиги маълумотларига кўра, мамлакатда 6 турдаги озиқ-овқат маҳсулотларининг нархи 18 дан 80 фоизгача арзонлашган.

Қуйида маҳсулотларнинг эски ва янги нархлари “партия” ҳисобида кўрсатилган:

1. Картошка – 73 926 афғони (850 доллар) / 14 985 афғони (172 доллар), 79,73 фоизга пасайган;

2. Помидор – 45 360 афғони (521 доллар) / 16 200 афғони (186 доллар), 64,29 фоизга пасайган;

3. Бамия – 235 170 афғони (2,7 минг доллар) / 90 450 афғони (1 минг доллар), 61,54 фоизга пасайган;

4. Олма – 291 870 афғони (3,3 минг доллар) / 244 917 афғони (2,8 минг доллар), 16,9% фоизга пасайган;

5. Қуритилган хурмо – 298 080 афғони (3,4 минг доллар) / 186 300 афғони  (2,1 минг доллар), 37,5 фоизга пасайган;

6. Тарвуз – 379 890 афғони (4,3 минг доллар) / 217 080 афғони (2,5 минг доллар), 42,86 фоизга пасайган.